सोमवार, 3 अप्रैल 2017

724 . एहि कलिकाल उच्च द्विजवर कुल जनम तकर निरवाह अम्बे।


                                     ७२४
एहि कलिकाल उच्च द्विजवर कुल जनम तकर निरवाह अम्बे। 
कयलहुँ सकल दयामयि अपनहिं , उर भरि पसर उछाह अम्बे।। 
गुरुवर भय उपदेशि निमाहल , क्रमहि सकल आदेश - अम्बे। 
काशी में थिर बास देल मोहि , भव विधि छूटल कलेश - अम्बे। 
एलहुँ सदन अपन बुझि गृह मोर , राखब नियत निवास - अम्बे। 
तुअ पद प्रेमधार हिअ उमड़ल , नयन युगल परमास - अम्बे।।
स्नेह भरल थर - थर तन पुलकित , गदगद बोल अनूप - अम्बे।।
कएल नेहाल दास करुणामयि , जीवन्मुक्त सरूप - अम्बे।।
प्रणत मगन गणनाथ जोरि कर , माँग एक वरदान - अम्बे। 
तुअ पद रत थिर तारिणि कहइत , त्यागथि देह परान -अम्बे।।

कोई टिप्पणी नहीं: